U3F1ZWV6ZTE5NzU2OTEzMjgzX0FjdGl2YXRpb24yMjM4MTg1NzA2ODA=

مشكل ديال المعلمة ملي كيتقطع ليها الثوب ديال الكليانة




المعلمة والخياط بصفة عامة ملي كتجيه الخدمة فهي تساوي توب...
الكليان كيجيب ليك تقطيعة إما رخيصة وإما غالية وكتبدى من 100 درهم وانت طالع وبعد المرات الثوب مكيكونش في المغرب
يعني هداك الثوب خاصك تعملو بين عينيك وتعملي ليه رعاية خاصة 😏
لكن اشنو نعمل الى تقطع ليا الثوب وهادي هي اصعب لحظة ومكنتمناها لحتى شي معلمة 😔😔
اول حاجة وديما تحاولي تعمليها الى كانت انت لي كتفصلي خلي عندك هادوك طروفة لي كيشيطو والى كان كيجيك الثوب مفصل طلبي الكليانة تخليهم عندها ولا تجيبهم ليك



على الأقل الى كان وقع شي موشكيل في الكم ولا القب نلقاو باش نحلو المشكيل
تاني حاجة بعد المرات كتكون شي تقطيعا ولا طاش قريب لشي بلاصة لي يمكن لينا نطرزوها او نقدرو نزيدو نوسعو في الراندة بالنسبة لطوق حتى هدا حل بعد المرات


كذلك إلى وقعات شي حاجة كبيرة لثوب كيبقى الحل هو تعويض الكليانة في ثمنو وهادي مسألة لانقاش فيها حيث كيف مكان الحال المعلمة هي سبب وطلبي الله تلقاي شي كليانة مفاهمة متقولش ليك هاد التقطيعة الوحيدة لي كينا في العالم وشارياها بفلوس بزززاف 🥺🥺 ⁦☹️
واهم نصيحة هي متشديش الخدمة المزروبة خودي خدمة عندك فيها الوقت الكافي حتى الى وقع شي موشكيل فحال لي قلنا تجبري الوقت فاش تحلي المشكيل


نقطة أخرى إلى كانت الراندة مكمشة ودازت من المصلوح ومعمل ليها والو فحداري تبقاي تجبدي في الثوب بيدك وبالاخص جوهرة وتواب لي رقيقة راه ساهلة تقطع مع كيكون ثوب طايب بالخيط والإبرة
مهم ردو البال مزيان لأثواب ناس راها أمانة وبعدوها من ولادكم وحتى رجالاتكم ههههه
كين شي رجال كيتعصبو الى شافك كتخدمي وممسوقاش يدرب ليك الخدية على راسك 😂😂😂
.
الحاضر يبلغ الغائب والله يوفقنا لكل خير أحبكم #ام_عمران


نصيحة 

الثوب فاش تجيبو ليك الكليانة حاولي تحليه وتشوفيه وتأكدي من الميتراج ويكون خالي من العيوب 



من صفحة الفيس بوك 
ليست هناك تعليقات
إرسال تعليق

إرسال تعليق

الاسمبريد إلكترونيرسالة